კვირა 11

შეიძლება თქვენ უკვე დაიღალეთ საკუთარი მდგომარეობის და ხასიათის ხშირი ცვლილებით, რომელიც დაახლოებით ისეთივეა, როგორც მენსტრუაციისწინა სინდრომის დროს. ამისი მიზეზი ისევ და ისევ  ჰორმონალური ცვილებებია.

ყველა ქალი თავისებურად გამოდის ამ ემოციური ქაოსიდან. ვიღაც საშინაო საქმეებს აყოლებს გულს, ვიღაც თავის ჰობის, ზოგიც ამტკიცებს რომ მედიტაცია და იოგა საუკეთესო გამოსავალია. ამ დროს შეიძლება დამამშვიდებელი მუსიკის გამოყენება. ძალიან ეფექტურია პროფესიონალი ფსიქოთერაპევტის დახმარება.

გახსოვდეთ, რომ თქვენი არამდგრადი გუნება–განწყობილება ძალზე მძიმეა თქვენი მეუღლისათვის, მაგრამ მისი მხრიდან თანადგომა და მოთმინება აუცილებელია. ამიტომ თუ ითმენს, გითანაგრძნობთ და არ ბუზღუნებს, პერიოდულად სიტყვიერი მადლობა აუცილებლად გადაუხადეთ. მისი მხრიდან თქვენი კაპრიზების ატანა ასეთ პერიოდში მთელი ფსიქოლოგიური რესურსების მობილიზაციას მოითხოვს.

თუ ფსიქოლოგიური პრობლემები არ კლებულობს და პირიქით მატულობს კიდეც, მიმართეთ სპეციალისტს. გახსოვდეთ 100–დან 99 შემთხვევაში თქვენი პრობლემები იოლად გადაწყდება.

 არ დაივიწყოთ პირველი კვირის რეკომენდაციები

 იმედია ექიმთან ალბათ ერთხელ უკვე იყავით და ექომაც ნაყოფი ნახა რომ საშვილოსნოს ღრუშია და გულისცემაც არის.

პატარა კი იზრდება, მისი წონა უკვე 7 გრამია. გარეგნულად ისევ უცნაურად გამოიყურება – ხელები ფეხებზე გრძელია, თავი არაპროპორციულად დიდია, მაგრამ არ იღელვოთ, ეს პროპორციები მშობიარობისთვის გამოსწორდება

არის სიახლეც – დაიწყო თვალის ფერადი გარსის ფორმირება